Prokuroria Themelore në Prishtinë ka ngritur aktakuzë ndaj profesorit Xhevat Krasniqi, i akuzuar për ngacmim seksual ndaj studetenve të tij.

Kështu ka bërë të ditur për Arbresh.info zëdhënësja e Prokurorisë Themelore, Kaltrina Shala.

Aktakuza ndaj Krasniqit lidhet me rastet e denoncimeve që disa studente të tij kishin bërë ndaj profesorit për ngacmim seksual.

Xhevat Krasniqi ishte denoncuar nga 27 studente të Fakuletit të Mjekësisë për ngacmim seksual.

Rektori i Universitetit të Prishtinës Qerim Qerimi e kishte pezulluar nga puna profesorin Krasniqi.

Pezullimin nga puna të profesorit Krasniqi rektori e kishte bërë pas rekomandimit të Këshillit të Etikës të UP-së.

Në Vendimin e Rektoratit për këtë rast thuhej se Këshilli i Etikës e ka rekomanduar pezullimin e Krasniqit, derisa të përfundojnë veprimet hetuese nga ana e Prokurorisë së Shtetit./Arbresh.info